38 / de Álvaro López e Luís Sendón
Despois de traballar varias veces xuntos, este dúo dinámico do cómic, soprendenos unha vez máis. Editado a través de Polaqia, “38” conta a historia dunha pistola. Un calibre 38 special que, como un estrano legado, vai pasando de pais a fillos deixando tras de sí un regueiro de morte, odio e desespero.
Un calibre 38 que esperta as máis obscuras obsesións de todo aquel que o posúe. Un calibre 38 que nos leva, durante 24 páxinas, o seo de catro historias diferentes. Unha en tempo presente e tres en flashbacks.
Historias nas que destaca a profundidade das ilustracións, que entintadas en branco e negro, dotan ao cómic dun ton máis desacougante.
Ilustracións que deixan a un lado o proselitismo estético para contar os sucesos con toda a súa crueza e realismo. Realismo que, de seguro, non te deixará indiferente.