Fancómic :: Alberto Vázquez :: July

02-07-2007

Alberto Vázquez

Etiquetas: Biografía, Coruña, Autor galego

Alberto Vázquez Rico
A Coruña , 1980
Web: http://www.albertovazquez.net
Blog: http://Alberto-vazquez.blospot.com
Enderezo electrónico: albertovrico@hotmail.com

Biografía
A pesar de iniciarse tardíamente na Banda Deseñada, Alberto é un dos ilustradores galegos que acadou máis premios e recoñecementos a nivel nacional. Iniciouse na BD en 2001 e foi daquela cofundador do selo Polaqia. Rápidamente abriuse un oco entre tódolos ilustradores/guionistas cos que conviviu colaborando no fanzine "Sintoteca" e ilustrando un cómic guionizado por Kike Benlloch para o álbum colectivo "Mmmh!!" (Polaqia, 2001). Iniciouse co guión, ademáis de facer as ilustracións, coa obra "Alter ego" (Polaqia, 2002), para despois volver a asinar con Benlloch a obra de carácter intimista "Freda" (De Ponent, 2003), álbum ambientado na emigración galega (aínda que en realidade trata da emigración en xeral) que recibiu, entre as tantas boas críticas, o agasallo de ser seleccionado para formar parte da exposición itinerante White Ravens 2004. A súa obra máis ambiciosa ata o momento é “Psiconautas” (Astiberri, 2006) coa que demostra unha enorme madurez no trazo e na maneira de narrar (tanto a nivel ilustrativo como de texto), cun estilo, tan persoal como macabro, que lle valeu varias nominacións para os Salóns de Barcelona e Madrid. Actualmente reside na cidade Condal dende onde dirixia o recentemente desaparecido “Fanzine enfermo”, ademáis de colaborar nun sinfín de publicacións entre as que se atopan: “Nosotros Somos Los Muertos”, “Stripburger”, “Pictoplasma”, “Rolling Stone”, “TOS”, “Dos veces breve”, “Garabatagge”, “Squiffo”, “Gas butano”, “Warriors”, “Plug-in”, “Trauma”, etc.

Formación
Licenciado en Belas Artes pola Universidade Politécnica de Valencia.
Ciclo superior de escultura na Escola Pablo Picasso
Ciclo superior de ilustración en “La Massana” (Barcelona)

Becas

2005. Beca de perfeccionamento artístico do Concello de A Coruña.
2004. Beca de perfeccionamento artístico do Concello de A Coruña.
2002. Beca INJUVE.
2002. Bolsa de compra artífice de pintura, Concello de Loja (Granada).

Nominacións

2007. Nominado como mellor autor revelación nos premios do Salón de Cómic de Barcelona por “Psiconautas".
2007. Nominado como mellor debuxo nos premios do Salón de Cómic de Barcelona por “Psiconautas".
2006. Nominado como mellor autor revelación nos premios do Salón de Cómic de Madrid por “Psiconautas".
2006. Finalista Expocómic
2004. Nominado como mellor autor novel nos premios do Salón de Cómic de Barcelona por “Freda".

Premios

2007. Primeiro Premio “Pura e Dora Vázquez” de Ilustración.
2006. Terceiro premio GZCREA 2006 - modalidade Banda Deseñada.
2005. Segundo premio Xóvenes na vangarda.
2005. Segundo premio cómic Concello de Portugalete.
2005. Premio deseño gràfico “Ciudad de las artes y las ciencias de Valencia”.
2004. Primeiro premio nacional “Valencia crea”.
2004. Primeiro premio cómic Concello de Portugalete.
2004. Segundo Premio Xóvenes na Vangarda de Galicia.
2004. O cómic "Freda" foi seleccionado pola prestixiosa Internationale Jugend Bibliothek “www.ijb.de” para o catálogo e exposición itinerante White Ravens 2004. Neste catálogo se escollen, cada ano, os 250 mellores libros editados en todo o mundo. A selección faise entre as miles de propostas recibidas dos cincuenta paises participantes.
2003. Primeiro premio certame “Valencia crea cómic.
2003. Primeiro premio “Asociación gay/lesbiana Lambda”.
2003. Premio deseño gráfico “Ciudad de las artes y las ciencias de Valencia”.
2003. Segundo premio cómic Concello de Ourense.
2002. Primeiro premio certame “Valencia crea cómic”.
2002. Premio deseño gráfico “Ciudad de las artes y las ciencias de Valencia”.
2002. Primeiro premio mellor Representación Plástica Concello de Alicante.
2002. Segundo premio III Certame de Imaxe Artística Xuventude Ourense (Modalidade BD).
2002. Segundo premio Culturagalega/Banda Deseñada.
2002. Accésit INJUVE de ilustración.
2001. Terceiro premio INJUVE de cómic e ilustración.
2001. Primeiro premio Concello de Pontevedra.
2001. Primeiro Premio novos creadores de Madrid cómic.
2001. Terceiro premio cómic Concello de ourense.