Fancómic

Manel Cráneo
A Coruña, 1973
www.manelcraneo.com
manelcraneo@yahoo.es

Biografía
Tras o nome de Manel Cráneo, atopasé un dos debuxantes e guionistas de banda deseñada máis importante e a vez máis inquedo da escea galega. Ademáis de ser o Presidente da Asociación Galega de Profesionais da Ilustración (AGPI), este todo-terreo das viñetas, é o coordinador xeral do Colectivo Chapapote (xurdido para expresar as inquedanzas que sairon a flote tras o desastre do Prestige), e foi o director e coordinador xeral da exposición: El cómic en la escuela…, na que tamén  participou Miguelanxo Prado como comisario.
A súa actividade non se queda só niso, xa que a súa ampla actividade como ilustrador e guionista levouno a traballar para: axencias de publicidade (IMAXE INTERMEDIA, OCCIDENTAL COMUNICACIÓN, GALICIA COMUNICACIÓN), editoriais (EDICIONS XERAIS DE GALICIA, TREBELLAR COMUNICACIÓN), periódicos e revistas (LA VOZ DE GALICIA, INTEREA VISUAL), produtoras cinematográficas (IJV PRODUCCIONES, PORTOZÁS VISIÓN, CONTINENTAL PRODUCCIONES), discograficas (DISCOS DRO), etc. Abarcando e explorando así, diferentes campos da ilustración como poden ser: a ilustración editorial, o cómic, o deseño gráfico, deseño e realización de escenografías teatrais, storyboards (EL LÁPIZ DE CARPINTERO), curtametraxes (“A TI COMO SE CHE DI ADEUS”), animación (a serie “O CARRABOUXO”, “LADRONS DE CADÁVERES VS KLU-KLUX-KLAN”), o humor gráfico, o cartelismo, campañas publicitarias (ESTRELLA GALICIA, R, XUNTA DE GALICIA, DEPORTIVO DE LA CORUÑA, RADIO VOZ… ), o deseño de mascotas, os debuxos animados…
Pero sen dúbida a súa verdadeira paixón (xunto a de tocar a guitarra nun dos mellores grupos de Punk Rock que deron as nosas costas; ERROR!) son os cómics, dos que se declara un autor autodidacta, a pesar de que a súa actividade levouno a promover e a traballar, dende mediados dos 90 ata hoxe,  para numerosísimos fanzines e revistas. "Ovo", "Costra de Postre", "Os rústicos da guadaña", "Craneografía", "Craneofilia", “Lixo”, "Golfiño" (ilustrando a serie "A fraga Milmañas" guionizada por Carlos Amil), “Caña” (Revista oficial de “Estrella Galicia”), "H2oil", "BD Banda" e "Barsowia" son unha clara mostra do prolífica que é a súa paixón, sen mencionar “Dámsmitt”, a súa mellor obra ata o de agora.
Xa para rematar, cabe dicir que Manel leva nas súas costas máis de 60 cursos, obradoiros e charlas sobre BD, colaborando activamente nos Salóns do Cómic de GETXO, de BARCELONA, de GRANADA, da CORUÑA, nas Xornadas de BD de Ourense, nas Semanas de BD itinerantes (que recorreu unha morea de concellos galegos e obtivo o apoio da XUNTA DE GALICIA), nas bibliotecas públicas, en diversos centros de ensino e nalgunhas asociacións culturais.

Formación
Cursou estudos de Deseño Gráfico na Escola de Artes Pablo Picasso da Coruña.

Premios
2006: "Dámsmitt” se atopa entre os dez mellores cómics españois do 2006 segundo a selección da revista Mondosonoro.
2002: 4º premio do III Certame Galego de Imaxe Artística (categoría 23-30 anos), pola historia "Miña lúa".
1998: 1º premio no concurso de BD sobre Federico García Lorca. Granada.
1997: 3º premio no XIII Concurso Galego de BD.
1996: 4º premio no XII Concurso Galego de BD pola historia "Centro Psiquiátrico Xudas Iscariote”.
1995: Accésit  no XI Concurso Galego de BD por "Muller na estrada".
1994: Accésit no IV Certame Ourense de BD por "Rosario".
1993: Accésit no III Certame Ourense de BD por "O párroco de Algures".

Obras
2006. Damsmitt; guión de Kike Benlloch, Dibbuks
2004 – 2007. Caña; VV/AA, Estrella Galicia
2003. H2Hoil; VV/AA, Colectivo chapapote
2003 – 2006. Barsowia (2,4 e ; VV/AA, Polaqia
2001 – 2004. BD banda; VV/AA
2000-2003. Golfiño; VV/AA, La voz de Galicia
1998. Craneofilia; VV/AA, fanzine.
1997. Os rústicos da Guadaña; guión e ilustracións, fanzine.
1997. OVO; VV/AA, fanzine.
1997. Merienda de locos; VV/AA, fanzine.
1996. Costra de Postre; VV/AA, fanzine.
1996. Kedeké; VV/AA, fanzine
1996. La carallada; VV/AA, revista.
1996. Macabro; VV/AA, fanzine
1995. Craneografía; guión e ilustracións
1994. O fanzine das xornadas;
1994. Nicasso; VV/AA, fanzine.
Lixo; VV/AA, fanzine.